ხის კონსერვაციის კურსი მომზადდა და ჩატარდა ნორვეგიის კულტურული მემკვიდრეობის დირექტორატთან (Riksantikvaren) ერთად 2024 წლის 4-9 ნოემბერს. ხის კონსერვაციის კურსი საქართველოში შემუშავდა და იყენებს ICCROM-ის ხის კონსერვაციის ტექნოლოგიის საერთაშორისო კურსის (ICWCT) კურიკულუმს და მეთოდოლოგიას. კურსის ფარგლებში მონაწილეებმა გაიარეს ICWCT-ის 6 მოდულის შემოკლებული და ადგილობრივ კონტექსტზე მორგებული ინტენსიური თეორიული ლექციების ციკლი.  კურსის ძირითადი დროს დაეთმო პრაქტიკულ სამუშაოებს ხის საამქროში. მონაწილეებმა პრაქტიკულად განახორციელე XIX ს-ის თბილისური სახლის სადარბაზოს კარის რესტავრაცია.

კურსს გაუძღვნენ ნორვეგიელი და ის ქართველი ექსპერტები, ვინც სხვადასხვა დროს გამოცდილება მიიღო ICWCT კურსის მეშვეობითა და Riksantikvaren - თან მრავალწლიანი თანამშრომლობის შედეგად. კურსის წამყვანი ექსპერტი - თორ-ააგე კამინკა ჰაიბერგი (ნორვეგიის მეცნიერებისა და ტექნოლოგიების ინსტიტუტი. Thor-Aage Heiberg, NTNU). კურსის კურატორი - არქიტექტორ-რესტავრატორი, ლია ბოკუჩავა (ICOMOS საქართველო). ICWCT - ის კურატორმა, ანე ნიამარმა მონაწილეებს გააცნო კურსის მეთოდოლოგია და სტრუქტურა.

კურსი განხორციელდა საქართველოში ნორვეგიის საელჩოს ხელშეწყობით.